DHAGAYSO+Faroole oo si adag uga hadlay Siyaasad Xumada Madaxweyn Gaas.

27

Madaxweynihii hore ee Puntland hadana ah Xildhibaan ka tirsan Aqalka sare Baarlamaanka Soomaaliya Cabdiraxmaan Faroole ayaa maanta gaaray magaalada Garoowe.

Senator Cabdiraxmaan Faroole oo ay soo dhaweyn u sameeyeen shacabka ku dhaqan magaalada Garoowe ayaa marka uga mahadceliyey soo dhaweynta ay u sameeyeen imaatinkiisa.

 

Cabdiraxmaan Faroole oo Saxaafada kula hadlay gurigiisa ayaa ka digay in faro-gelin lagu sameeyo qorshayaasha Madaxweynaha cusub ee Soomaaliya Maxamed Cabdullaahi Farmaajo.

Waxaan ka digayaa in farogalin lagu sameeyo qorshayaasha Madaxweynaha cusub gaar ahaan xukuumadda uu soo dhisi doono, waxaana madashii fashilantay iyo waxa ay wateen ugu baaqay inuu ninkaas ka ammaan helo oo faraha looga qaado arrimahiisa’ayuu yiri.

 

Faroole ayaa waxa uu sheegay in Puntland uusan dhibaato u wadin isla markaana aan lagu mashquulin.

Warar waan maq-maqlayay, waxaanse idiin sheegayaa inaan aniga la igu mashquulin, cidna xumaan uma wado xumaanna waligay kama shaqayn wanaag farid ma ahane”ayuu yiri.

 

Mar ay saxaafadu weydiisay in Puntland u yimid isaga iyo rag looga soo guuleystay doorashadii ama ka haray carqaladeynta nidaamka ee xukuumadda Cabdiweli Gaas ayuu sheegay iney haba yaraate waxba ka jirin.

Warkaas waxba kama jiraan, ciddii sheegtayna waad cid baqdin qabta, waxaase la idin ka rabaa inaad idinku weydiisaan oo la xisaabtamaan Xildhibaanadii doortay”ayuu hadalkiisa ku daray.

Madaxweynihii hore ee Puntland Cabdiraxmaan Faroole ayaa ugu danbeyn soo jeediyey in garoonka diyaaradaha ee magaalada Boosaaso loogu magac daro AUN Madaxweynihii ka horeeyey Gen.Cadde Muuse Xirsi maadaama uu isagu ahaa maskaxdii aasaaskiisa ka danbeysay.

HALKAAN KADHAAGYSO CODKA  FAROOLE


 

Share "DHAGAYSO+Faroole oo si adag uga hadlay Siyaasad Xumada Madaxweyn Gaas." via

No comments yet.

Leave a reply

More in Warar
Apr 23, 4 hours ago

Miinada wadada dhinaceeda lagu aaso oo sagaal askari oo Puntland katirsan ku dishay gudaha buuraha Galgala

Miinada wadada dhinaceeda lagu aaso ayaa lala eegtay gaari ciidan oo ay saarnaayeen askar katirsan Puntland oo marayay gudaha tuulada Galgala ee gobolka Bari, waxaana ku dhintay sagaal askari,  sida ay sheegeen ilo-wareedyo dhanka ammaanka ah. Sarka…

Apr 23, 18 hours ago

DHAGAYSO+Ciidamada Dowlada oo toogtay askari dilay askari kale oo katirsan Ciidamada Jabuuti

Ciidamada Dowlada Soomaaliya ee Gobalka Hiraan ayaa waxa ay  dil Toogasho ku dileen  Askari katirsan Ciidmada Dwolada Soomaaliya oo dhawaan Degmada Bula burde ku dilay askari  Jabutiyaal ah . Dilka askarigaan ayaa waxa uu yimid kadib markii Ciidam…

Apr 23, 18 hours ago

DHAGAYSO+Afdalow oo ku faanay inuu is badal ku sameeyay Amniga Gaalkacyo

Taliyaha qeybta Gobalka Mudug Cismaan Xasan Cawke Afdalow oo la hadlay qaar ka Mid ah Warbaahinta ka howlgala Degaanadda Puntland ayaa si rasmi ah u sheegay in isbadal weyn lagu sameyay Amniga Magaalada Gaalkacyo. Taliyaha waxaa uu sheegay in xiligan…