faah faahino ka soo baxaya Qaraxyo khasaare geystay ooka dhacay Muqdisho.

Qaraxyo xooggan ayaa goor dhow oo fiidnimadii ah waxay waxay ka dhaceen maqaayad shaaha laga cabo oo ku taalla isgoyska Tarabuunka degmada Hodan ee magaalada Muqdisho.

Maqaayada ayaa waxaa la sheegay iney fariistaan askar ka tirsan ciidanka dowlada Soomaaliya iyo dad shacab ah.

Warar kala duwan ayaa ka soo baxaya qaabka ay qaraxyadan oo labo ahaa ay u dhaceen, qaarkood waxay sheegayaan in loo adeegsaday miinooyin lagu aasay afaafka hore ee Maqaayada, halka warar kalena ay sheegayaan iney ka dhasheen bambooyinka gacanta laga tuuro.

Goob joogayaal ayaa sheegaya iney arkeen qiyaastii toban ruux oo qaraxyadan dhimasho iyo dhaawac ay ka soo gaareen kuwaasoo isugu jiray askar iyo dad shacab ah.

Ciidamada amaanka dowlada ayaa daqiiqado ka dib goobtaas gaaray, iyagoo hakad geliyey socodka dadka iyo gaadiidka ee fagaaraha tarabuunka, waxaana la maqlayey rasaas ay hawada u ridayaan, gaadiidka ambalaaska ayaana halkaas ka daad gureynaya dadka waxyeeladu soo gaartay.

Masuuliyiinta maamulka degmada Hodan iyo saraakiisha amaanka ayaa sidoo kale halkaas gaaray, iyagoo qiimeynaya khasaaraha ka dhashay qaraxyadan oo laga maqlay qeybo ka mid ah magaalada Muqdisho.

Share "faah faahino ka soo baxaya Qaraxyo khasaare geystay ooka dhacay Muqdisho." via

No comments yet.

Leave a reply

More in Warar
May 24, 3 hours ago

Puntland oo wax laga siiyey degmooyinka Muqdisho

Maamulka Gobolka Banaadir ayaa xalay  fiidkii shaaciyay magacyada Guddoomiyeyaasha cusub ee loo magacaabay degmooyinka gobolka Banaadir, iyadoo markii u horeysay ay ka soo muuqdeen 5 haween oo loo dhiibay degmooyinka iyo maamul goboleedyada oo ka dh…

May 24, 3 hours ago

Daacish oo sheegatay masuuliyada weerarkii Ismiidaaminta ah ee Bosaso ka dhacay

Ururka la magac baxay khilaafada Islaamka ee Daacish(ISIS) ayaa sheegatay weerar Ismiidaamin ah oo caawa ka dhacay magaalada Boosaaso ee xarunta gobolka Bari. Weerarkan Ismiidaaminta ah oo uu fuliyey qof naftiisa haligay ayaa la beegsaday ciidamo fad…

May 23, 1 day ago

DHAGAYSO+Hoggaamiyaha Khaatumo Cali Khaliif Galeyr oo ka hadlay Safarkiisii magaalada Hargeysa

Waxaa maalmihii ugu dambeeyey socdaal ku joogay magaalada Hargeysa Hoggaamiyaha maamulka Khaatumo Prof. Cali Khaliif Galeyr. Hoggaamiye Prof. Cali Khaliif Galeyr ayaa kulan la qaatay Madaxweynaha Somaliland Axmed Siilaanyo iyo mas’uuliyiin kale oo …