Wararkii Ugu Dambeeyay Doorashada Gudoomiyaha Baarlamaanka Oo Maanta Xamar Kadhacaysa.

Waxaa saacadaha soo socda lagu wadaa in magaalada Muqdisho gaar ahaan xarunta golaha shacabka ay ka dhacdo Doorashada Gudoomiyaha Baarlamaanka Soomaaliya ay isku soo sharaxeyn Afar Musharax.

Doorashada ayaa ah mid xiiso gaar ah leh, waxaana Musharaxiinta xilka Gudoomiyaha Baarlamaanka u tartamaya kala taageersan qaar kamid ah Musharaxiinta u taagan xilka Madaxweynaha Soomaaliya.

Waxaa xilkan ugu cad cad midkoodna laga yabaa in uu kusoo baxo Xildhibaan Maxamed Cusmaan Jawaari iyo Xildhibaan C/Rashiid Maxamed Xidig, labadana Musharax ayaana la saadaalinaya in wareega ugu dambeeya isugu soo hari doonaan midkoodna laga yaabo in uu guuleesto.

Doorashada ayaa ah mid adag oon la saadaalin karin cida kusoo baxeysa, Musharaxiinta ayaana saacadihii ugu dambeeyay waday olole xoogan ay ku doonayaan sidii ay ugu guuleesan lahaayeen Kursigan.

Amaanka xarunta doorashada ka dhaceysa iyo wadooyinka soo gala ayaa si weyn loo adkeeyay, waxaana la xiray Wadooyin muhiim ah oo kuyaala magaalada Muqdisho si looga hortago in la carqaladeeyo inta doorashada ay socoto.

Jaamacadaha iyo iskuulada kuyaala magaalada Muqdisho ayaa maanta intooda badan la fasaxay, waxaana shacabka magaalada Muqdisho ay si weyn uga dhursugayaan doorashada Gudoonka Baarlamaanka iyo natiijada kasoo baxda.

Doorashada Gudoomiyaha Baarlamaanka ayaa kala saari doonta Musharaxiinta u taagan xilka Madaxweynaha Soomaaliya Qaarkood, waxaana kursiga Gudoomiyaha Baarlamaanka hadii uu kusoo baxo Xildhibaan Xidig meesha ka bixi doono Mudsharaxiin saameyn badan leh oo kasoo jeeda Beesha Daarood ay ku jiraan Farmaajo iyo Cumar Cabdirashiid.

Shariif Xasan Sheekh Aadan ayaa isna damaciisa ku aadan in dalka Madaxweyne ka noqdo dib u liqi doona hadii kursiga Gudoomiyaha Baarlamaanka loo doorto nin kasoo jeeda Beesha Digil iyo Mirifle, waxa uuna shariif sameeyay dadaalo badan si uu kursigaasi beeshiisa uga weeciyo.

Saacadaha soo socda ayaa wax badan ay isbadali doonaan, waxaana tartankan loogu jiro kursiga Gudoomiyaha Baarlamaanka iyo kuxigeenadiisa horudhac u yahay doorashada adag ee Madaxweynaha Soomaaliya.

Share "Wararkii Ugu Dambeeyay Doorashada Gudoomiyaha Baarlamaanka Oo Maanta Xamar Kadhacaysa." via

No comments yet.

Leave a reply

More in Warar
May 24, 3 hours ago

Puntland oo wax laga siiyey degmooyinka Muqdisho

Maamulka Gobolka Banaadir ayaa xalay  fiidkii shaaciyay magacyada Guddoomiyeyaasha cusub ee loo magacaabay degmooyinka gobolka Banaadir, iyadoo markii u horeysay ay ka soo muuqdeen 5 haween oo loo dhiibay degmooyinka iyo maamul goboleedyada oo ka dh…

May 24, 3 hours ago

Daacish oo sheegatay masuuliyada weerarkii Ismiidaaminta ah ee Bosaso ka dhacay

Ururka la magac baxay khilaafada Islaamka ee Daacish(ISIS) ayaa sheegatay weerar Ismiidaamin ah oo caawa ka dhacay magaalada Boosaaso ee xarunta gobolka Bari. Weerarkan Ismiidaaminta ah oo uu fuliyey qof naftiisa haligay ayaa la beegsaday ciidamo fad…

May 23, 1 day ago

DHAGAYSO+Hoggaamiyaha Khaatumo Cali Khaliif Galeyr oo ka hadlay Safarkiisii magaalada Hargeysa

Waxaa maalmihii ugu dambeeyey socdaal ku joogay magaalada Hargeysa Hoggaamiyaha maamulka Khaatumo Prof. Cali Khaliif Galeyr. Hoggaamiye Prof. Cali Khaliif Galeyr ayaa kulan la qaatay Madaxweynaha Somaliland Axmed Siilaanyo iyo mas’uuliyiin kale oo …